(moviemax.in) കോവിഷീൽഡ് വാക്സിന്റെ പാർശ്വഫലങ്ങളേക്കുറിച്ച് നിർമാതാക്കൾ സമ്മതിച്ചതിനുപിന്നാലെ ആശങ്കയറിയിച്ച് നടൻ ശ്രേയസ് തൽപഡേ.
കോവിഡ് വാക്സിൻ സ്വീകരിച്ചതിന് ശേഷം തനിക്ക് പലപ്പോഴും തളർച്ചയും വല്ലാത്ത ക്ഷീണവും തോന്നിയിട്ടുണ്ടെന്ന് ഒരഭിമുഖത്തിൽ അദ്ദേഹം പറഞ്ഞു. തൻ്റെ ഇപ്പോഴത്തെ ആരോഗ്യാവസ്ഥ കോവിഡുമായോ അല്ലെങ്കിൽ വാക്‌സിനുമായി ബന്ധപ്പെട്ടതാണോ എന്ന കാര്യത്തിൽ താരം അനിശ്ചിതത്വവും പ്രകടിപ്പിച്ചു.
2023 ഡിസംബറിൽ വെൽക്കം ടു ദ ജംഗിൾ എന്ന ചിത്രത്തിന്റെ സെറ്റിൽവെച്ച് ശ്രേയസ് തൽപഡേക്ക് ഹൃദയാഘാതമുണ്ടായിരുന്നു.
ഈ സാഹചര്യത്തിലാണ് കോവിഡ് വാക്സിൻ കോവിഷീൽഡിൻ്റെ പാർശ്വഫലങ്ങളെക്കുറിച്ചും അത് ഹൃദയാഘാതം, പക്ഷാഘാതം എന്നിവയുടെ വർധനവുമായി എങ്ങനെ ബന്ധപ്പെട്ടിരിക്കുന്നു എന്നതിനെക്കുറിച്ചും നടന്നുകൊണ്ടിരിക്കുന്ന ചർച്ചകളിൽ താരം പങ്കുചെർന്നത്.
"കോവിഡ് വാക്സിനേഷൻ കഴിഞ്ഞതിന് ശേഷമാണ് എനിക്ക് കുറച്ച് തളർച്ചയും ക്ഷീണവും അനുഭവപ്പെടാൻ തുടങ്ങിയത്. അതിൽ കുറച്ച് സത്യമുണ്ടായിരിക്കണം.
അത് കോവിഡ് ആകാം, വാക്സിൻ ആകാം. രണ്ടിൽ ഏതാണെന്ന് അറിയില്ല, പക്ഷേ അത് എൻ്റെ അവസ്ഥയുമായി ബന്ധപ്പെട്ടിരിക്കുന്നു." ശ്രേയസ് പറഞ്ഞു.
#Fear #of #what# is #injected #into #our #bodies #Shreyas #Talpade
